Agendre Septuagesima, Estomihi dan Sexagesima



Minggu, 28 Februari 2021

FANGOWAI BA FOGAONI
[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]

FANGOWAI
Liturgos : Ya’ami banua Zo’aya ni’omasi’ö ba döi Yesu Keriso, no tarugi migu nifotöi migu föna wamakao Yesu. Töi migu ma’ökhö andre, ya’ia da’ö : REMINISCERE. Ma’owai ami, ba döi Zo’aya ya’ita Yesu Keriso, Ya'ahowu!

Jemaat : Ya'ahowu!

Liturgos : Ya faofao khömi Lowalangi!

Jemaat : Ya fao khöu Geheha-Nia!

FOGAONI
Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö No. 210 : 1-2

FANGA’ARO’Ö WA’OWULO (VOTUM)
Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö!

Jemaat : Yaduhu!

Liturgos : Fõkhõda nilu’i-Nia ba no Ihare’õ khõ-Nia zafõkhõ khõda; ba ba dõdõda, ba ni’otu’õ Ia, nibõzibõzi Lowalangi ba nifakao. Ba no lalõda sa mbõrõ, wa tefesokho Ia, ba horõda mbõrõ, wa terasa Ia. Ya’ia zolu’i huku, ena’õ sohahau tõdõ ita, ba moroi ba zokho-Nia, wa no dõhõ wõkhõda. HALELUYA!

Jemaat : Manunö

Liturgos : Mangandrö ita, "He Yehowa Lowalangi, Ama sahakhö tödö ba sebua fa’omasi. Lö Ötehe tekiko ndra’aga ba horöma. No Ölulu nono-U omasi'ö ba danga zokhö horö: te’o’aya, tefakao, teforöfa ba mate börö horöma; ena’ö falukha ndra’aga wangatulö ba fa’auri si lö aetu. Ya Eheha-U Ni’amoni’ö zangabölö’ö ya’aga, ena’ö si tedou ba saro ba lala wamati, ba lö faröi ndra’aga irugi gamozua götö danö andre, Yaduhu!"Mudadao Zato

Liturgos : Manunö ita moroi ba Mbuku Zinunö No. 315 : 1

FOMBASO TAROMALI LOWALANGI (AMABU'ULA LI SIFÖFÖNA)
Liturgos : Da tafondrondrongo daroma Li Lowalangi, tehalö moroi ba zura SINUNÖ 22:23-27

23 Edõna u’ombakha’õ dõimõ ba dalifusõgu, ba hunõ zowulo niha usuno ndra’ugõ.
24 Ya’ami sangata’ufi Yehowa, misuno ia! Ya’ami, madou Yakobo, mifosumange ia, ba mi’ata’ufi ia, ya’ami ma’uwu Gizeraëli fefu.
25 Tenga sa fa lõ ba dõdõnia wamakao zi gõna famakao andrõ ba lõ ni’ogorofinia; ba me no mangarõngarõ khõnia, ba no ifondrondrongo.
26 Bõrõ ndra’ugõ, wa manunõ ndra’o ba gowuloa sebua; ubu’a nifabu’ugu tánõ fõna zangata’ufi ya’ia.
27 Falukha manga zi gõna famakao andrõ ba abuso; lasuno dania Yehowa sangalui ya’ia; ya auri dõdõmi, si lõ aetu!

Si manö daroma Li Lowalangi, da tatema’ö faoma sinunö moroi ba Mbuku Zinunö NO. 86 : 4

FANGANDRÖ FANGEFA HORÖ
Liturgos : Ya’ami ira talifusö, Na taŵa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.
Mangandrö ita, "Masuno ba ma’angaröfi li Ndra’ugö Yehowa, Ama khöma si so ba zorugo, ba khö Yesu Keriso sangorifi. Ma ondrasi Ndra’ugö ba nahia ni’amoni’ö Ya’ugö si fahöna fa’ahakhö dödö andrö. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dödö-U, ena’ö Ö’efa’ö khöma horöma andrö, irege sohahau tödö ndra’aga wanohugö fekolima ba zi so fönama ba wamalua somasi Ndra’ugö. Hakhösi dödö-U khöma Ama, ba be’e aefa khöma horöma andrö ma’afefu, Yaduhu!"

Jemaat : Manunö moroi ba Mbuku Zinunö No. 224 : 1

Liturgos : Ba no erege dõdõ-Gu õbe’e ba horõu andrõ; no õfakao-Do olalõwamõ. Ya’o, Ya’odo andre zamunu lalõu andrõ. Bõrõ Ndra’o, ba lõ’õ sa’ae itõrõ tõdõ-Gu horõu! (Yesaya 43:24b-25) Lakhömi khö Lowalangi si yawa!

Jemaat : Manunö moroi ba Mbuku Zinunö No. 450

Liturgos : Dumadao Zato!

FOMBASO TAROMA LI LOWALANGI (AMABU'ULA LI SIBOHOU)
Liturgos : Da tafondrondrongo daroma Li Lowalangi, tehalö moroi ba zura MATAIO 8:5-13

5 Ba me mõi ia miyomo ba Gafanauma ba i’ondrasi ia kumandra, mangandrõ khõnia, imane:
6 He Tua, so yomo zawuyugu, tou ba zalo manõ, no mate dambai, a’oi so wa’afõkhõ.
7 Imane khõnia: Mõido mufadõhõ wõkhõnia.
8 Ba itema linia kumandra andrõ, imane: He Tua, ambõ ndra’o mõi’õ ba nomogu, ba hede manõ, ha sambua li, ba dõhõ wõkhõ zawuyugu.
9 Ya’odo sa gõi, ba no niha si so barõ mbawa zalawa, ba so barõ mbawagu zaradadu, ba na uwa’õ ba zi samõsa: Ae’e, ba mofanõ ia, ba ba zi samõsa: Aine, ba so ia; ba na uwa’õ khõ zawuyugu: Halõwou da’õ, ba ihalõ.
10 Ba me irongo da’õ Yesu, ba ahõlihõli dõdõnia, ba imane ba zolo’õ ya’ia: Si ndruhu niwa’õgu khõmi, ba Ndraono Gizeraëli na i, ba lõ nisõndragu famati si manõ.
11 Ba uwa’õ khõmi, ato dania zi otarai danõ ba gatumbukha, awõ zi otarai danõ ba gaekhula ba manga ira, awõ ndra Aberahamo, Iza’aki, Yakobo ba mbanua zorugo andrõ,
12 ba nitibo’õ baero nono mbanua andrõ ba zogõmigõmi, baero sibai, ba fege’ege dania ba da’õ, ba fatangisa mboha.
13 Ba imane Yesu khõ gumandra andrõ: Fuli’õ, ya’itõrõ zi faduhu dõdõu. Ba ba da’õ sibai dõhõ wõkhõ zawuyu no mege.

Ya’ahowu zamondrongo taroma Li Lowalangi ba same’e ba dödö (Luka 11:28)

Jemaat : Yaduhu!

FANGOWULOI FASÖMBATA
Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si öföna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7)
Tafa’ema fõna wasömbata khö Lowalangi, ba manunö ita moroi ba Mbuku Zinunö No. 261

2. Ya’e zumange fasömbata ma be’e soroi ba dödöma.
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.

Liturgos : Da tafasao wasömbatada andre föna Lowalangi, musindro ita fefu.
[Koordinator Pelayan mangandrö ba aefa da'ö ifa'ema wasömbata khö Pengkhotbah. Awai da'ö mangawuli ba nahia zamösana

Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163

[Pengkhotbah Möi ba Mimbar]
Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrö ita...[Fangadrö Famokai Huhuo Sebua] Amin.
  1. Fombaso Taroma Li Lowalangi moroi ba zura ROMA 4:16-25

    2. 16 Andrõ moroi ba wamati, ena’õ fa’ebua dõdõ, ena’õ aro gamabu’ula li andrõ, ba ma’uwunia fefu, tenga ha ba ma’uwunia moroi ba goroisa, no ba ma’uwunia moroi ba wamati gõi, moroi ba wamati Gaberahamo, si no tuada fefu,
    17 si mane si so ba zura: ”No ube’e furugõ ndra’ugõ, oya soi ma’uwumõ dania”; ba khõ Lowalangi andrõ, ba zamati ia, sangorifi si no mate, sanõtõi si lõ’õ na, hulõ na no so
    18 samati manõ, wanõtõna, he lõ tõtõnafõ, ena’õ oya soi ma’uwunia, na itõrõ niwa’õ andrõ: ”Si manõ ma’uwumõ dania.”
    19 Ba lõ sangiwa dõdõnia wamati, wamaigi botonia, wa no atua — no mato atu fakhe — ba ma talu Zara andrõ, si no amaedola zi mate;
    20 lõ sangiwa dõdõnia ba gamabu’ula li Lowalangi andrõ, fa lõ mamati ia, abe’e dõdõnia wamati, ifosumange Lowalangi,
    21 no faduhu sibai dõdõnia, i’ila ifalua gõi Lowalangi hadia nifabu’unia.
    22 Andrõ gõi tebe’e fa’atulõ dõdõnia,
    23 ba tenga ha ba khõnia, wa tesura, wa no mube’e fa’atulõ dõdõnia,
    24 ba khõda gõi, ba nibe’e dania, khõda samati khõ zanusugi Yesu, So’aya ya’ita, moroi ba ngai zi mate,
    25 nibe’e nibunu ba lalõda andrõ, nisusugi ba wangatulõ’õ ya’ita.

  2. Famotokhi Taromali Lowalangi
  3. Sinanö ba dödö tehalö moroi ba zura ROMA 3:28a

    4. Ba da’õ niwa’õda, bõrõ wamati, wa satulõ niha iwa’õ Lowalangi.

  4. Fangandrö Fondruhö Wamotokhi Taromali

Jemaat : Manunö moroi ba Mbuku Zinunö No. 154

TUHO WAMATI
Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:
  • Ya’o mamati khö Lowalangi Ama si lö ambö fa’abölö, somböi banua si yaẅa awö danö.
  • Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
  • Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!
Mudadao Zato.
Jemaat : Manunö moroi ba Mbuku Zinunö No. 209 : 1

FANGANDRÖ SALAHI + FAMATENGE + HOWUHOWU
Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"
Pengkhotbah + Jemaat : He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awö lakhömi, irugi zi lö aetu. Yaduhu.

Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi:
  • Ya mufahowu’ö ami Lowalangi, Ya murorogö ami;
  • Ya mufohaga mbawa-Nia khömi, Ya mu’ebua’ö dödö-Nia khömi;
  • Ya mufalemba hörö-Nia khömi, Ya mube’e wa’ohahau dödö khömi fefu. Yaduhu!

 Jemaat : Manunö moroi ba Mbuku Zinunö No. 486

Pengkhotbah : Ya'ahowu!!!

Jemaat : Ya'ahowu!!!

****** IBADAH SELESAI ******