Agendre Minggu Epiphanias
Minggu, 24 Januari 2021
FANGOWAI BA FOGAONI
[Tedöni dorosi, möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi]
FANGOWAI
Liturgos : Ya’ami banua niha Keriso, ba wondrugida migu Epifania andre, ma’owai ami fefu ba döi Zo’aya ya’ita Yesu Keriso, Ya'ahowu!
Jemaat : Ya'ahowu!
Liturgos : Ya faofao khömi Lowalangi!
Jemaat : Ya fao khöu Geheha-Nia!
FOGAONI
Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangi. Tasuno Ia, manunö ita moroi ba Mbuku Zinunö No. 83 : 1-2 "DA TASUNO LOWALANGI"
Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö!
Jemaat : Yaduhu!
Liturgos : He Yehowa, farongogö khögu lala ba wa’auri andrö: no fahöna wa’omuso dödö föna-U, ba ba gambölö-U so wa’ohahau dödö si lö mamalö. (Sinunö 16:11). HALELUYA!
Jemaat : [Menyanyikan lagu HALELUYA]
Liturgos : Manunö ita moroi ba Mbuku Zinunö No. 246 : 1 "BA DANGA LOWALANGI"
Liturgos : Da tafondrondrongo daroma Li Lowalangi, tehalö moroi ba zura II RAZO 20 : 1-6
1 Ba me luo da’õ, ba mofõkhõ Hisikia, fõkhõ ba wa’amate. Ba mõi khõnia Yesaya sama’ele’õ, ono Gamosi, imane khõnia: Da’õ niwa’õ Yehowa: Oroi’õ hadia ia niwa’õu, si mate sa’ae ndra’ugõ, lõ dõhõ wõkhõu. 2 Ba ibali’õ ia, i’otahõgõ mbagolõ, mangandrõ ia khõ Yehowa, 3 imane: ”He Yehowa, tõrõ tõdõu, wa no utõrõ lala nifakhoimõ, lõ si farõi ndra’o, lõ si duadua dõdõgu, ba no ulau zomasi ndra’ugõ!” Ba mege’ege sibai Hisikia. 4 Ba ha ba golayama ba dalu na irugi Yesaya, ba humede khõnia Yehowa, 5 imane: Fuli’o, ba õmane khõ Hisikia, razo mbanuagu andrõ: Da’õ niwa’õ Yehowa, Lowalangi duau Dawido: No urongo wangandrõmõ andrõ, ba tawa hõrõu, ba no u’ila. Ba da’ufadõhõ wõkhõu; dua wongi tõ, ba mõi’õ miyawa ba gosali Yehowa. 6 Ba mewelelima fakhe udou’õ wa’anau nosou, ba baero õ na, ba u’efa’õ ndra’ugõ ba banua andre ba danga razo Asiria, ba utimba zi lõ sõkhi ba mbanua andre, bõrõ ndra’o ba bõrõ na genonigu Dawido.
Si manö daroma Li Lowalangi, da tatema’ö faoma sinunö moroi ba Mbuku Zinunö NO. 86 : 4 "TA SUNOSUNO YEHOWA"
Liturgos : Ya’ami ira talifusö, Na taŵa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato.
Mangandrö ita, "Masuno ba ma’angaröfi li Ndra’ugö Yehowa, Ama khöma si so ba zorugo, ba khö Yesu Keriso sangorifi. No sebua fa’omasi Ndra’ugö khöma götögötö wa’ara. Ma’ondrasi Ndra’ugö ba nahia ni’amoni’ö ba wangalulu ba ba wangandrö saohagölö, ba howuhowu si no falukha ndra’aga. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dödö-U, ena’ö Ö’efa’ö khöma horöma andrö, si no mafalua, irege sohahau tödö ndra’aga wanohugö fekolima si faudu ba zomasi Ndra’ugö. Yaduhu!"
Jemaat : [Manunö moroi ba Mbuku Zinunö No. 224 : 1 "NA UBINI’Ö HORÖGU KHÖ YESU"]
Jemaat : Manunö moroi ba Mbuku Zinunö No. 450 "BA FA’ATULÖ BA GULIDANÖ"
FOMBASO TAROMA LI LOWALANGI (AMABU'ULA LI SIBOHOU)
Liturgos : Da tafondrondrongo daroma Li Lowalangi, tehalö moroi ba zura MAREKO 1 : 14-20
14 Ba aefa tekuru Yohane andrõ, ba mõi ba Galilaia Yesu, mangombakha turia somuso dõdõ andrõ, khõ Lowalangi, 15 imane: No irugi inõtõ ba no ahatõ mbanua Lowalangi andrõ; mifalalini gera’erami ba mifati duria somuso dõdõ andrõ. 16 Ba me itõrõ zinga mbawa Galilaia, ba i’ila Zimoni ba Andrea, talifusõ Zimoni, si fakiri ba mbawa. Tuka giri ira. 17 Ba imane khõra Yesu: Mi’o’õ ndra’o, ba ubali’õ sama’u’u niha ami. 18 Ba i’anema’õ larõi giri, la’o’õ ia. 19 Ba me no mofanõ ia ma’ifu, ba i’ila Yakobo, ono Zebedaio, awõ dalifusõnia Yohane, ba dundraha gõi yawa, mamõnõ kiri ira. 20 Ba i’anema’õ ikaoni ira; ba larõi namara Sebedaio ba dundraha, awõ genoni, la’o’õ ia.
Ya’ahowu zamondrongo taroma Li Lowalangi ba same’e ba dödö (Luka 11:28)
Jemaat : Yaduhu!
FANGOWULOI FASÖMBATA
Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si öföna ua da tafondrondrongo Li Lowalangi me imane: "Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Korindro 9:6-7)
Tafa’ema fõna wasömbata khö Lowalangi, ba manunö ita moroi ba Mbuku Zinunö No. 261 "YA'E ZUMANGE"
3. Ya’e zumange fasömbata buala si’otarai Nama.
4. Ya’e zumange fasömbata, boto, noso, ba fa’aurima.
5. Ya’e zumange fasömbata, lö irugi zomasi dödö-U.
6. Ya’e zumange fasömbata, ma’aohasi gölö Zo’aya.
Liturgos : Da tafasao wasömbatada andre föna Lowalangi, musindro ita fefu.
[Koordinator Pelayan mangandrö ba aefa da'ö ifa'ema wasömbata khö Pengkhotbah. Awai da'ö mangawuli ba nahia zamösana
Liturgos : Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö No. 163 "UHONOGÖ SIBAI DÖDÖGU"
Pengkhotbah : Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrö ita...[Fangadrö Famokai Huhuo Sebua] Amin.
a. Fombaso Taroma Li Lowalangi moroi ba zura YONA 3 : 1-10
1 Ba ifuli humede Yehowa khõ Yona, imane: 2 Faoso, ae ba Niniwe, banua sebua andrõ, ba turiagõ khõra niwa’õgu khõu. 3 Ba maoso Yona, mõi ia ba Niniwe, i’o’õ niwa’õ Yehowa khõnia. Ba no banua sebua sibai Niniwe andrõ, tõlu ngaluo fofanõ wa’anau. 4 Ba ibõrõtaigõ Yona itõrõ newali mbanua, ma’?khõ fofanõ, mangombakha ia, imane: Hat? õfa wulu wongi, ba adudu Niniwe! 5 Ba faduhu dõdõ mbanua Niniwe khõ Lowalangi, lawa’õ wamoni ba la’obaru mbaru ba wa’abu dõdõ, he satua ba he iraono. 6 Ba me irongo duria andrõ razo Niniwe, ba maoso ia, irõi dadaoma razo, iheta mbarunia baru sebua, ihalõ balubalunia mbaru ba wa’abu dõdõ; ba mudadao ia bawu. 7 Ba ifatenge zihede ba mbanua Niniwe, imane; Da’õ goroisa razo ba oroisa nawõnia salawa: Bõi manga niha ba he urifõ, he sawi, ba he biribiri; lõ tola mõi ba ndru’u, ba lõ tola labadu nidanõ. 8 La’obaru mbaru ba wa’abu dõdõ — he niha, ba he urifõ — ba laforege wangarõfi li Lowalangi, ba ibõhõli mbuabuania si lõ sõkhi andrõ zamõsana awõ horõ andrõ, si no falemba ba dangara. 9 Ma atõ alulu dõdõ Lowalangi, ma arõurõu ba dõdõnia, ma alõ wõnunia, fa bõi tekiko ita! 10 Ba me i’ila wolaura Lowalangi, wa labõhõli mbuabuara si lõ sõkhi andrõ, ba arõurõu ba dõdõ Lowalangi wamakiko andrõ niwa’õnia, fameta’u ya’ira, ba lõ ifalua
b. Famotokhi Taromali Lowalangi
c. Sinanö ba dödö tehalö moroi ba zura NGENU-NGENU YEREMIA 3 : 25 Sebua tõdõ Yehowa ba zanõtõna khõnia, ba niha sangalui ya’ia.
d. Fangandrö Fondruhö Wamotokhi Taromali
Jemaat : Manunö moroi ba Mbuku Zinunö No. 154 "NO MAFONDRONDRONGO LIU"
Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi, muzizio ita fefu... endronga lida:
- Ya’o mamati khö Lowalangi Ama si lö ambö fa’abölö, somböi banua si yaẅa awö danö.
- Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate.
- Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri si lö aetu. Yaduhu!
Mudadao Zato.
Jemaat : Manunö moroi ba Mbuku Zinunö No. 145 "KERISO SO'AYA"
Pengkhotbah : Sumindro ita fefu, mangandrö ita: (tetohugö) "Ba döi Zo’aya ya’aga Yesu Keriso, si no mamahaö ya’aga ba wangandrö mamane:"
Pengkhotbah + Jemaat : He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awö lakhömi, irugi zi lö aetu. Yaduhu.
Pengkhotbah : Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi: - Ya mufahowu’ö ami Lowalangi, Ya murorogö ami; - Ya mufohaga mbawa-Nia khömi, Ya mu’ebua’ö dödö-Nia khömi; - Ya mufalemba hörö-Nia khömi, Ya mube’e wa’ohahau dödö khömi fefu. Yaduhu!
Jemaat : Manunö moroi ba Mbuku Zinunö No. 480"HE AGAFÖKHÖ"
Jemaat : Ya'ahowu!!!
****** IBADAH SELESAI ******