Agendre DÖFI SIBOHOU

FANGOWAI BA FOGAONI

(Tedöni dorosi , möi ndra sohalöwö bakha ba gosali, ba lahalö wangahono dödö banua niha Keriso ba wangondrasi ba ba wasumangeta khö Lowalangi)

FANGOWAI

Liturgos : Ya’ami banua niha Keriso,ba wondrugida böröta ndröfi sibohou andre, ma’owai ami ba döi Zo’aya yaita Yesu Keriso. Ya’ahowu ndröfi sibohou!

Jemaat : Ya’ahowu ndröfi sibohou!

Liturgos : Ya faofao khömi Lowalangi!

Jemaat : Ya fao khöu Geheha-Nia!

Liturgos : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangida. Tasuno Ia, manunö ita moroi ba Mbuku Zinunö numero 77 : 1 & 2 “TASUNO YESU” <<<klik untuk mendengarkan lagu>>>

FANGA’ARO’Õ WA’OWULO (VOTUM)

Liturgos : Da tahonogö dödöda ba wariawösa, ba ba wa ha sambua khö Lowalangi, muzizio zato. 

"No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö..."

Jemaat : Yaduhu!

Liturgos : Ufaöga hörögu, ufaigi hili andrö: Heza i’otarai fangorifigu? Fangorifigu andrö, ba i’otarai Yehowa, somböi banua si yawa, awö danö. Lö’ö sa Ibe’e mangiwa gaheu; samaigimaigi ya’ugö andrö, ba lö manuköu. Irorogö ndra’ugö Yehowa, Itimba zi lö sökhi fefu, Irorogö nosou (Sinunö 121:1-3, 7). HALELUYA...

Jemaat : Manunö HALELUYA 

Liturgos : Mangandrö ita, "He Yehowa Lowalangima, si no umbu howuhowu ba fa’omasi. Möiga khö-U mangalulu ba wangandrö saohagölö me lö si faröi Ndra’ugö khöma ba zi döfi fa’ara, irege no makhamö mböröta ndröfi sibohou andre. Lö mamalö matou’öga ba danga-U ba zi döfi fa’ara mifönama. Ma’andrö khö-U, rorogöga ba wanohugö fekolima. Fatöröga ba lala andrö khö-U, ba fahaö ndra’aga ba wango’aurifagö fa’omasi, he ba wangomasi’öma Ya’ugö, ba si manö göi ba wangomasi’öma awöma niha awö niwöwöi fefu. Ya’ugö gubaloma, samatörö ya’aga ba si lö faröi khöma ba zi döfi fa’ara mifönama. Yaduhu!" Mudadao zato...

Liturgos : Manunö ita moroi ba Mbuku Zinunö numero 81 : 1 & 2 “FA'ABÖLÖ” <<<klik untuk mendengarkan lagu>>>

FOMBASO TAROMA LI LOWALANGI

Liturgos : Ia da'e foombaso taroma Li Lowalangi nihalö moroi ba zura Sinunö 5 : 8-13, imane taroma Li Lowalangi

(8) Ba ya’o, ba tola mõi ba nomou, bõrõ wa’ebua dõdõu andrõ, si no fahõna, mangalulu ndra’o ba gosaliu andrõ, ni’amoni’õ, u’ata’ufi ndra’ugõ. (9) He Yehowa, ohe dangagu, ba wa’atulõ dõdõu andrõ, ba zi fa’udu khõgu andrõ; adõlõ’õ fõnagu lala andrõ khõu. (10) Lõ’õ sa hadia ia zi duhu ba mbewera, tõdõra andrõ, ba famakiko; lewatõ sobawa dõlõtõlõra, ba no alõsõlõsõ lelara. (11) Otu’õ ira, Lowalangi, ena’õ tobali faya nifakhoi dõdõra. Tuli’õ ira, ba wa’oya lalõra andrõ; samadaõ limõ sa ira andrõ. (12) Ena’õ omuso dõdõ dozi sanõtõna khõu, ena’õ owuawua dõdõra, si lõ aetu. Ba fobelebele ira, ena’õ ma’iki ira ba khõu andrõ; sangomasi’õ tõimõ andrõ. (13) Ya’ugõ i, ba õfahowu’õ zatulõ tõdõ, ya’ugõ, Yehowa, õfobelebele ia fa’ebua dõdõu, hulõ nifobaluse.

Si manö daroma Li Lowalangi, da tatema’ö faoma sinunö: BZ. Numero 3:2 “SUMANGE LA’OHE KHÖU”

Sumange la'ohe khö-U, mala'ika awö niha.

Dozi ira manunö, lasunosuno Yehowa.

Lira lö mo'aetufa, götögötö wa'ara.

FANGANDRÖ FANGEFA HORÖ 

Liturgos : Ya’ami ira talifusö, Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda, muzizio zato. Mangandrö ita, ta’andrö wangefa horöda khöLowalangi. 

"He Yehowa, Ama khöma si so ba zorugo, ba khö Yesu Keriso sangorifi. No sebua fa’omasi Ndra’ugö khöma götögötö wa’ara. Ma’ondrasi Ndra’ugö ba nahia ni’amoni’ö, ba wangalulu ba ba wangandrö saohagölö, ba howuhowu si no falukha ndra’aga ba ndröfi si no matalu’i, ba me no Öfasao ndra’aga ba mböröta ndröfi sibohou andre. Mafaduhu’ö wa tenga si nangea ndra’aga tanö föna-Mö, me no fahöna horö si no mafalua ba ndröfi si no numalö, he ba wehedema, era’era dödöma, awö gamuatama si lö faudu ba daroma Li-Mö. Andrö möiga khö-U ba wangandrö fa’ahakhö dödö-U, ena’ö Ö’efa’ö khöma horöma andrö, si no mafalua, irege sohahau tödö ndra’aga wanohugö fekolima ba ndröfi andre si faudu ba zomasi Ndra’ugö"
[Mangandrö ba dödö 1 - 2 menit]

Hakhösi dödö-U khöma Ama, ba be’e aefa khöma horöma andrö ma’afefu,Yaduhu!

Jemaat : Manunö moroi ba Mbuku Zinunö numero 224 : 1"NA UBINI’Ö HORÖGU KHÖ YESU"

Liturgos : Turia Wangefa horö: “Mi’aine khö-Gu, dozi serege tödö, awö zonoro, ba Ufolombase ami. Mihare’ö khömi kalo mbagi andrö khö-Gu ba mitöngöni khö-Gu, me no sebolo tödö Ndra’o ba si lö fayaŵa tödö, ba falukha ami wolombase dödömi. Moguna sa kalo mbagi andrö khö-Gu, ba no aoha noro andrö khö-Gu”. LAKHÖMI KHÖ LOWALANGI SI YAẄA ....

Jemaat : Manunö moroi ba BZ. Numero: 450. "BA FA’ATULÖ BA GULIDANÖ"

Liturgos : Mudadao zato!

Da tafondrondrongo daroma Li Lowalangi, tehalö moroi ba zura Galatia 4 : 1-7

(1) Ba da’õ niwa’õgu: gõtõ wa iraono zanema ondrõita, ba lõ faehu ira zawuyu, he wa’ae khõnia fefu, (2) hadia ia, barõ mbawa zondrorogõ so ia ba barõ mbawa zamaigimaigi yomo, gasagasa wa irugi bawa nihuku namania. (3) Si manõ gõi ita; gõtõ wa iraono ita, ba no i’osawuyu ita famobõrõ andrõ, ba guli danõ. (4) Ba me no irugi inõtõ andrõ, ba ifatenge Nononia Lowalangi, ni’adonogõ ndra alawe, ba nibe’e barõ mbawa goroisa, (5) ena’õ ihõli zi so barõ mbawa goroisa, ena’õ falukha ita, fa ono ita. (6) Ba me no ono ami, ba no ifatenge Lowalangi Geheha Nononia andrõ, ba dõdõda, si’ao andrõ: He Aba, Ama! (7) Tobali tenga sa’ae sawuyu ndra’ugõ, ono ndra’ugõ; ba na ono, ba no sanema ondrõita gõi, ibe’e Lowalangi.

Ya’ahowu zamondrongo taroma li Lowalangi ba same’e ba dödö... (Luka 11:28)

Jemaat : Yaduhu!

FANGOWULOI FASÖMBATA 

Liturgos : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu ba Fasombata Ame’ela Bongi Ni’amoni’ö.

Ba si föföna ua da tafondrondrongo daroma Li Lowalangi me imane: "Ba möi yomo ndra Ere, ba hiza Nono awö nina-Nia, ba labalöduhini tou danö, mangalulu khö-Nia ba labokai naha gana’ara, mamuala ira khö-Nia, balaki ba kumöyö ba emuri." (fahela Matai’o 2:11).

Tafa’ema fasömbata khö Lowalangi, manunö ita moroi ba BZ. Numero 261. "YA’E ZUMANGE"

2. Ya’e zumange fasömbata ma be’e soroi ba dödöma.

3. Ya’e zumange fasömbata buala si’otarai Nama. 

4. Ya’e zumange fasömbata, boto, noso, ba fa’aurima.

5. Ya’e zumange fasömbata, lö irugi zomasi dödö-U.

6. Ya’e zumange fasömbata, ma’aohasi gölö Zo’aya. 

Da tafasao wasömbatada andre föna Lowalangi, musindro ita fefu....

FANGANDRÖ : (Fangandrõ nidönia’ö fasamösa zangowuloi fasömbata, aefada’õ ba lafa’ema ba danga zangai huhuo, itema’õ sangai huhuo awena itou’õ ba dete meza. Ba na so wasõmbata si sambua ni’ofulu, owasa wanaru ma owasa wamasi, ba itema’õ sangai huhuo si fao taroma Li Lowalangi si faudu ba wasõmbata ni’owuloi andrõ).

Mudadao zato...

Liturgos : Da tafa’anö dödöda wamondrondrongo taroma Li Lowalangi, manunö ita moroi ba Mbuku Zinunö numero 163 "UHONOGÖ SIBAI DÖDÖGU"

Pengkhotbah : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita [tetohugö fangandrö famokai huhuo sebua]

[Fombaso taroma Li Lowalangi (molo’ö perikopen)

[Fanuriaigõ/Khotbah]

[Nitanö ba dödö]

[Fangandrö Fanga’aro’õ huhuo]

Jemaat : Manunö "NO MAFONDRONDRONGO LIU"

Liturgos : Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso fõna Lowalangi, musindro ita fefu. Endronga lida: 

- Ya’o mamati khö Lowalangi Ama si lö ambö fa’abölö, somböi banua si yaẅa awö danö. 

- Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate. 

- Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zi mate, ba fa’auri silöaetu. Yaduhu! Mudadao zato

Liturgos : Da tafondrondrongo wehede fanema’ö awö wokubaloi moroi khö BPHMS BNKP 

Liturgos : Manunö ita moroi ba BZ numero: 149 : 1 “HEDE KHÖMA, HE SO'AYA”"

FANGANDRÖ SALAHI + FAMATENGE + HOWUHOWU

Pengkhotbah : Muzizio ita fefu, mangandrö ita: ..... (tetohugö): Ba döi Zo’aya ya’aga Yesu Keriso, si no mamahaö ya’aga ba wangandrö mamane,

"He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awö lakhömi, irugi zi lö aetu. Yaduhu!"

Mi’angawuli si fao fa’ohahau dödö, ya tobali ami banua niha Keriso samaduhu’ö haga si no mitema ba wa’atumbu Zo’aya ya’ita Yesus Keriso, ba lala wa’aurimi sero ma’ökhö, ba mitema howuhowu moroi khö Lowalangi:

- Ya mufahowu’ö ami Lowalangi, ya murorogö ami

- Ya mufohaga mbawa-Nia khömi, ya mu’ebua’ö dödö-Nia khömi

- Ya mufalemba hörö-Nia khömi, Ya mube’e wa’ohahau dödö khömi fefu. Yaduhu! 

Jemaat : BZ. Numero 74 : 1 “OMUSO DÖDÖDA ME AURI ITA”

Pengkhotbah : Ya’ahowu!

Jemaat : Ya’ahowu!

**** I b a d a h S e l e s a i ****