Minggu, 22 Nopember 2020 [Bahasa Nias]
L = Liturgos, J = Jemaat, P = Pengkhotbah
| L | : | Ya’ami banua Zo’aya. Ma’ökhö andre no tarugi ba Gangohorita Ndröfi Niha Keriso. Ya sowuawua tödö ita ba we’amöi föna Keriso ba wanötöna fa’auri si lö aetu. Ma’owai ami ba döi Zo’aya ya’ita Yesus Kerisou, Ya’ahowu...!!! |
| J | : | Ya'ahowu...!!! |
| L | : | Yafaofao khömi Lowalangi... |
| J | : | Yafao khöu Geheha-Nia... |
| L | : | Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangida. Tasuno Ia, manunö ita moroi ba Mbuku Zinunö numero: |
| | 263. DA TASUNO LOWALANGI SAMATÖRÖ (Klik untuk mempelajari lagu) |
| L | : | Da tahonogö dödöda ba wariawösa, ba ba wa hasambua khö Lowalangi. Musindro ita fefu... |
| | No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö. |
| J | : | Yaduhu... |
| L | : | Si manõ zi mõna andrõ, nifonukha nukha safusi, ba lõ’õ manõ sa’ae Ubunu dõinia ba zura wa’auri andrõ, ba U’ombakha’õ dõinia, ba zi so Amagu, ba ba zi so mala’ika andrõ khõ-Nia! Haleluya...!!! |
| L | : | Mangandrö ita: |
| | He So’aya ya’aga Yesu Keriso, Lowalangi sauri ba sangorifi. He matörö mbawa danö si göna lumö wa’amate, ba lö khöma fa’ata’u, me no Ya’ugö Gubaloma, sondrorogö ya’aga. Tebai i’alani ndra’aga fa’amate, me no Ya’ugö zangorifi ya’aga. Möiga khö-U ba wanou’ö boto awö nosoma, me no Ya’ugö zokhö ba samatörö fa’auri ba fa’amatema. He Ama ma’andrö khö-U, rorogö ba fatöröga ba zomasi Ndra’ugö irugi gamozua, famakhamö nahia ba zi so Ya’ugö. Si lö mamalömalö nisuno ba nifolakhömi Ndra’ugö, awö Zo’aya ya’aga Yesu Keriso ba Eheha Ni’amoni’ö. Yaduhu! |
| | Mudadao zato... |
| L | : | Manunö ita moroi ba Mbuku Zinunö numero: |
| | 421. HUMULU SIBAI DÖDÖGU (Klik untuk mempelajari lagu) |
| L | : | Da tafondrondrongo wombaso Taroma li Lowalangi moroi ba zura...[Fombaso Taroma Li] |
| | Si manö daroma Li Lowalangi, da tatema’ö faoma sinunö numero: 20. MISUNOSUNO ZO’AYA |
| L | : | Ya’ami ira talifusö... Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lõ faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda. Musindro ita fefu... |
| | Mangandrö ita... He Yehowa Lowalangi si so ba zorugo yawa. No sowuawua tödö ndra’aga, börö howuhowu-Mö si no Ö’amualagö ba wa’aurima irugi ma’ökhö andre. Aboto ba dödöma wa no Ya’ugö gumbu wa’auri, ba no Ya’ugö gamozua wa’aurima. Ba hiza mafaduhu’ö wa tenga sinangea ndra’aga tanö föna-Mö, me no fahöna horö si no mafalua i’otarai iraono ndra’aga, he ba gera’era dödöma, fehedema awö gamuatama si lö faudu ba daroma Li-Mö. Asese ma’osiwawöi ginötö nibe’e-U khöma, ba ambö ndra’aga wangoguna’ö tödö satuatua ba wangerai bongima, ba no malulu wa’aurima nifatörö gisö’isö dödö wa’a’ösi niha. Andrö möiga khö-U ba wangandrö fa’ahakhö dödö-U, ena’ö Ö’efa’ö khöma horöma andrö, si no mafalua, irege sohahau tödö ndra’aga wanohugö fekolima ba ginötö fönama si faudu ba zomasi Ndra’ugö. |
| | Mangandrö ba dödö zamösana föna Lowalangi (1-2 menit) |
| P | : | Hakhösi tödöu khöma Ama, ba be'e aefa khöma horöma andrö ma'afefu... Yaduhu! |
| | Manunö ita moroi ba Mbuku Zinunö 224. NA UBINI’Ö HORÖGU KHÖ YESU |
| L | : | Turia Wangefa horö: “Sahakhõ tõdõ Yehowa ba sebua tõdõ; ebolo sibai dödö-Nia ba no obõwõ sibai Ia. Lõ nibe’e-Nia dali horõda ba lõ nisulõni-Nia khõda olalõwada. Si mane fa’ahakhõ dõdõ nama nononia, si manõ wa’ahakhõ dõdõ Yehowa zangata’ufi Ya’ia” Lakhömi khö Lowalangi si yaŵa... |
| J | : | Manunö moroi ba Mbuku Zinunö numero: 450. BA FA’ATULÖ BA GULIDANÖ |
| L | : | Mudadao zato... |
| L | : | Da tafondrondrongo daroma Li Lowalangi, tehalö moroi ba zura...[Fombaso
] |
| | Ya’ahowu zamondrongo taroma Li Lowalangi ba same’e ba dõdõ... |
| J | : | Yaduhu...! |
| L | : | Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si öföna ua da tafondrondrongo Li Lowalangi me imane:"Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Kor.9:7) |
| | Tafa’ema fõna wasömbata khö Lowalangi, ba manunö ita moroi ba Mbuku Zinunö numero:261. YA’E ZUMANGE |
| | 2. Ya’e zumange fasömbata mabe’e soroi ba dödöma |
| | 3. Ya’e zumange fasömbata buala si’otarai Nama |
| | 4. Ya’e zumange fasömbata, boto, noso, ba fa’aurima |
| | 5. Ya’e zumange fasömbata, lö irugi zomasi dödö-U |
| | 6. Ya’e zumange fasömbata, ma’aohasi gölö Zo’aya |
| L | : | Da tafasao wasömbatada andre föna Lowalangi. Musindro ita fefu... |
| | (Ira sangai ame'ela mangandrö ba mufa'ema game'ela khö Pendeta) Mudadao zato... |
| L | : | Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö numero: 163. UHONOGÖ SIBAI DÖDÖGU |
| P | : | Ya irorogõ dõdõmi, awõ gera’erami fa’ohahau dõdõ andrõ, khõ Lowalangi, sabõlõ moroi ba gera’era niha fefu, ba khõ Keriso Yesu. Mangandrö ita... |
| | Fatua lö tabaso mbörö huhuo da tafondrondrongo ha wa’ato zi tumbu awö zi no mate barö ndröfi andre [Fombaso zitumbu ba simate ba zi döfi fa'ara] |
| | Manunö ita moroi ba Mbuku Zinunö numero 410:1. HEZA SA USÖNDRA (Musindro Zato) |
| P | : | [Fombaso Taroma li moroi ba Roma 14:7-9] |
| J | : | [Manunö ayati 2] |
| | Ba danö toröi mboto na matedo. |
| | Fa’auri sa khögu Yesu Keriso. |
| | Humulu dödögu, böi misaisido. |
| | Me tötönafögu fondrege zaro. |
| | Duhu, duhu, ha Keriso, zawatö dödögu, somasi ya’o |
| P | : | [Fombaso Taroma li, moroi ba I Korindro 15:54b-57] |
| J | : | [Manunö ayati 3] |
| | Taya ba dödögu fefu wamakao. |
| | Tobali haregu Yesu Keriso. |
| | Terara dödögu lö fa’afökhö |
| | Fa’auri lö aetu omuso dödö |
| | Sökhi, sökhi, khamötögu, u’andrö bè sökhi gamozuagu. |
| P | : | [Fombaso Taroma li molo'ö Perikopen] (Dumadao zato) |
| | [Famotokhi Taroma li] |
| | [Fangandrö Fondruhö Famotokhi Taroma li] |
| J | : | Manunö moroi ba Mbuku Zinunö numero: 154. NO MAFONDRONDRONGO LI-U |
| L | : | Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi. Musindro ita fefu... Endronga lida: |
| | Ya’o mamati khö Lowalangi Ama si lö ambö fa’abölö, somböi banua si yaẅa awö danö. |
| | Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate. |
| | Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri silöaetu. Yaduhu. |
| | Mudadao zato... |
| L | : | Manunö ita moroi ba Mbuku Zinunö numero: 423. HEWISA ITA BA HEWISA DÖDÖ (Klik untuk mempelajari lagu) |
| P | : | Musindro ita fefu... Mangandrö ita |
| | [Fangandrö salahi... Tetohugö: Ba döi Zo’aya ya’aga Yesu Keriso, si no mamahaö ya’aga ba wangandrö mamane:] |
| | He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awö lakhömi, irugi zi lö aetu. Yaduhu! |
| P | : | Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi: |
| | Ya mufahowu’ö ami Lowalangi, Ya murorogö ami; |
| | Ya mufohaga mbawa-Nia khömi, Ya mu’ebua’ö dödö-Nia khömi; |
| | Ya mufalemba hörö-Nia khömi, Ya mube’e wa’ohahau dödö khömi fefu. Yaduhu! |
| J | : | Manunö moroi ba Mbuku Zinunö numero 498. NA IRUGI INÖTÖ (Klik untuk mempelajari lagu) |
| P | : | Ya'ahowu...!!! |
| J | : | Ya'ahowu...!!! |
| | *** Ibadah Selesai *** |
