Agendre Masa Advent
L = Liturgos, J = Jemaat, P = Pengkhotbah
| L | : | Ya’ami banua niha Keriso, Ya’ahowu ami ba döi Zo’aya, Maranatha!!! |
| J | : | Maranatha!!! |
| L | : | Yafaofao khömi Lowalangi... |
| J | : | Yafao khöu Geheha-Nia... |
| L | : | Da ta’owuawua’ö dödöda wangondrasi Yehowa, da ta’omusoi’ö dödöda ba wamalua fasumangeta khö Lowalangida. Tasuno Ia, manunö ita moroi ba Mbuku Zinunö numero: |
| 43. FAONDRAGÖ KERISO SO'AYA (G = do) <<< Klik untuk mendengarkan lagu >>> |
| L | : | Da tahonogö dödöda ba wariawösa, ba ba wa hasambua khö Lowalangi. Musindro ita fefu... |
| No owulo ita ba da’e, ba döi Lowalangi Ama, ba ba döi Nono-Nia Yesu Keriso, ba ba döi Geheha Ni’amoni’ö. Fangorifida ha ba döi Yehowa si no momböi banua si yaẅa awö danö. | ||
| J | : | Yaduhu... |
| L | : | Hiza, möi yomo ba mbanua khömi razomi, razo satulö ba sabölö, Maranatha!!! |
| L | : | Mangandrö ita: |
| He Yehowa Lowalangima, somböi banua si yawa awö danö. No fa’ebua dödö-U khöma wa no tola marugi mböröta ndröfi ba wa’aniha Keriso. Abölö’ö ndra’aga Eheha-Mö andrö Ni’amoni’ö, ena’ö so khöma mbuabua wamalalini era’era, ba ena’ö soŵa’a, sanöi ba sowua ndra’aga ba wamati ba wamaondragö fa’atohare Zo’aya ya’aga Yesu Keriso. Be’e khöma wehi’a dödö, fangosindruhugö ba fa lö faröi ba wango’aurifagö taroma Li-Mö, ena’ö samonga’eu fa’omasi, fa’atulö, fangefa, ba fa’ohahau dödö ndra’aga fefu irugi we’aso-Mö andrö si mendrua. Yaduhu! | ||
| Mudadao zato... | ||
| L | : | Manunö ita moroi ba Mbuku Zinunö numero: |
| 34. MASUNO AE NDRA'UGÖ (G = do) <<< Klik untuk mendengarkan lagu >>> |
| L | : | Da tafondrondrongo wombaso Taroma li Lowalangi moroi ba zura Yesaya 11 : 1 – 10: |
| 1. Tumbu dania lewiõ ba duhe iza’i andrõ ba mowua nono, si oroi wa’ania. (F. 4, 2).
2. Ba ahono khõnia Geheha Yehowa; Eheha sama’ema fa’atuatua ba fa’aboto ba dõdõ ba famolala tõdõ ba fa’abõlõ ba fangila watahõgõ ba fangata’ufi Yehowa. (Fam. 1, 4). 3. Samohua khõnia wangata’ufi Yehowa andrõ; tenga ni’ila hõrõnia dali wanguhukunia, ba tenga dali wangetu’õ huku nirongo dõgi dalingania; 4. Satulõ sa’ae dali khõnia wame’e huku ba zi numana, ba i’adõlõ’õ wangetu’õ huku ba zebua famakao ba danõ. Famõzi niha guli danõ khõnia zi’o mbawania andrõ [taroma linia] ba famunu zebua horõ khõnia hanuhanu andrõ ba mbewenia. (Yob. 4, 9. Tes. II. 2, 8. Fam. 2, 16.) 5. Fa’atulõ mbõbõ lõwilõwinia ba fa’aduhu mbõbõ talu khõnia. 6. Ba orudu dania ba nono mbiribiri nasu gatua ba si manõ harimo ba nono mbiribiri si matua. Ono zawi ba ono zingo ba sawi nibula, ba orudu, fa tola kubalo ndraono. (F. 65, 25. Hos. 2, 18).7 Sawi si alawe ba berua si alawe, ba sorudu ba mbenua, ba ha sambua naha wemõrõ ba nonora; ba du’u dania gõ zingo, du’u õ zawi. 8. Famaimai ba mbawa dõgi gulõ zi lõ aefa na ba mbagi zusu, ba itufa tangania hõrõ daritõ si bohou aefa. (Amaed. 23, 32.) 9. Lõ samakao awõnia ba lõ samakiko ba hili ni’amoni’õ andrõ khõgu ma’asambua; anõnõ sa’ae danõ wa’aboto ba dõdõ niha Yehowa, si mane fa’anõnõ doyo nasi andrõ asi. 10. Ba na luo da’õ, ba lazofuzofu niha baero lewiõ andrõ, si tumbu ba wa’a duhe Iza’i andrõ, nibe’e tandra soi niha, ba si so lakhõmi nahiania. | ||
| Si manö daroma Li Lowalangi, da tatema’ö faoma sinunö numero: 20. MISUNOSUNO ZO’AYA |
| L | : | Ya’ami ira talifusö... Na tawa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lõ faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö. Andrö da möi ita föna Lowalangi si fao fangidengide’ö ba wangombakha horöda. Musindro ita fefu... |
| Mangandrö ita... He Ama Ni’amoni’ö, möiga ma’ondrasi dadaoma wa’ahakhö dödö-U ba wangandrö fangefa horö ba ngawalö nilauma si lö sökhi. Ma’andrö wa’ebolo dödö-U Ama ba wa’oya golalöwama, he nifaluama ba ndraonoma, khö ndra satuama, ba dalifusöma, ba ba niha fefu. Ma’andrö bologö dödö-U khöma me asese iböbö ndra’aga amuata fa’afökhö dödö, fayawasa, ba fönu ba lala wa’auri sero ma’ökhö. Ma’andrö hakhösi dödö-U khöma, sasai fefu horöma ba bohouni ndra’aga ba wamaondragö fa’atohare-Mö. Saohagölö Ama, ba döi Zo’aya ya’aga Yesu Keriso, ma’andrö ni’andröma. | ||
| P | : | Hakhösi tödöu khöma Ama, ba be'e aefa khöma horöma andrö ma'afefu... Yaduhu! |
| Manunö ita moroi ba Mbuku Zinunö 224. NA UBINI’Ö HORÖGU KHÖ YESU |
| L | : | Turia Wangefa horö: “Faya wa no sauri Ndra’o, Iŵa’ö Yehowa na omasi-Do mate zebua horö; somasi Ndra’o na iröi lalania andrö sebua horö, na ifalalini gera’erania, ba na auri ia. Mifalalini gera’erami, miröi lalami andrö, si lö sökhi! Hana sa wa edöna mate ami, ya’ami ni’omasi’ö-Gu?” Lakhömi khö Lowalangi si yaŵa... |
| J | : | Manunö moroi ba Mbuku Zinunö numero: 450. BA FA’ATULÖ BA GULIDANÖ |
| L | : | Mudadao zato... |
| L | : | Da tafondrondrongo daroma Li Lowalangi, tehalö moroi ba zura II Samueli 7 : 1 – 16: |
| 1. Ba samuza ma’õkhõ, me no ahono razo ba gõdonia — lõ’õ sa’ae ameta’uõ emali khõnia ibe’e Yehowa,
2. fasui manõ — ba imane razo khõ zama’ele’õ andrõ, Natano: Hiza sa, ba nomo eresi so ndra’o, ba nahia dawõla Lowalangi andrõ, ba ose tufo! (Sin. 132). 3. Ba imane Natano khõ razo: Ba faoso, ba lau hadia zi so ba dõdõu; itolo’õ sa Yehowa. 4. Ba ba zi bongi andrõ, ba so niwa’õ Yehowa khõ Natano, imane: 5. Ae khõ genonigu Dawido, ba õmane khõnia: Da’õ niwa’õ Yehowa: Hadia, khõgu õlau nomo, nahiagu? (Nga’õt. I. 22, 8. Raz. I. 5, 17). 6. Ba lõ’õ sa urai u’onahia nomo, i’otarai me uheta ba danõ Miserayi Ndraono Gizeraëli, irugi ma’õkhõ andre — barõ nose tufo sa’ae utõrõi danõ. (Raz. I. 8, 16. 27. Yes. 66, 1). 7. Gõtõ me utõrõi danõ, ba Ndraono Gizeraëli, hadia, no urai uwa’õ zambua li ba zanguhuku Iraono Gizeraëli, ha niha ia, ba niwa’õgu wokubaloi banuagu andrõ, Iraono Gizeraëli, wanguma’õ: Hana wa lõ milau khõgu gõdo eresi? 8. Ba õmane dania khõ genonigu Dawido: Da’õ niwa’õ Yehowa ngahõnõ: No uhalõ ndra’ugõ, me kubalo mbiribiri ndra’ugõ, ena’õ razo mbanuagu Iraono Gizeraëli ndra’ugõ, (Sam. I. 16, 11—13), 9. no utolo’õ ba ngawalõ hadia ia fefu, nilaumõ andrõ, ba no uhori fõnau nemaliu fefu, ba no u’asogõ khõu dõi, si falawalawa ba dõi wondrege zebua ba guli danõ, 10. ba ufonaha mbanuagu Iraono Gizeraëli, ba utanõ ba da’õ, ena’õ la’iagõ da’õ ba ena’õ lõ’õ sa’ae ata’u ira, ba ena’õ lõ’õ sa’ae lafakao ira niha si lõ sõkhi, si mane mege, 11. i’otarai me ufataro zanguhuku andrõ, ba mbanuagu Iraono Gizeraëli, ba sahono ira ube’e, utimba nemalira fefu, tobali i’ombakha’õ khõu Yehowa, wa ya’ia zolau omo khõu. 12. Na no irugi bawau dania, na no õleagõ tou ndra’ugõ, ba ngai ndra tuau, awena dania uhonogõi fangaliu ma’uwumõ andrõ, nga’õtõu, ba u’aro’õ wa’asalawania. (Raz. I. 8, 20. Yez. 9, 6). 13. Da’õ dania zolau omo ba dõigu ba si lõ tebulõ dadaoma wa’asalawania, ube’e, irugi zi lõ aetu. (Raz. I. 5, 19; 6, 12. Sin. 89, 4. 5). 14. Amania ndra’o ba onogu ia. Ba na mosala ia, ba bõzibõzi ba niha uhalõ fanegunia, famõzi ba niha ube’e fotu. (Sin. 89, 27. Heb. 1, 5. Luk. 1, 32), 15. ba fa’ahakhõ dõdõgu andrõ, ba lõ ubõda khõnia, tenga si mane famõdagu ya’ia khõ razo andrõ, fõnau. 16. Si lõ tebulõ fõnagu nga’õtõu razo, irugi zi lõ aetu: dadaomamõ andrõ, ba si lõ awu’a, gõtõgõtõ wa’ara! (Sin. 72, 17. Yes. 55, 3). | ||
| Ya’ahowu zamondrongo taroma Li Lowalangi ba same’e ba dõdõ... | ||
| J | : | Yaduhu...! |
| L | : | Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he fasömbata si föföna, ba si manö göi zi mendrua awö zi medölu. Ba si öföna ua da tafondrondrongo Li Lowalangi me imane:"Ba da’õ niwa’õgu: Na so zangatalisi tanõmõ, ba lõ oya’oya ibasi, ba na so zi lõ alimagõ tanõmõ, ba oya gõi ibasi dania. Ba balazi dõdõ zamõsana; bõi abu dõdõ, ba tenga niforege; si no aoha gõlõ fame’e, da’õ sa zomasi Lowalangi." (II Kor.9:7) |
| Tafa’ema fõna wasömbata khö Lowalangi, ba manunö ita moroi ba Mbuku Zinunö numero: 261. YA’E ZUMANGE |
| 2. Ya’e zumange fasömbata mabe’e soroi ba dödöma | ||
| 3. Ya’e zumange fasömbata buala si’otarai Nama | ||
| 4. Ya’e zumange fasömbata, boto, noso, ba fa’aurima | ||
| 5. Ya’e zumange fasömbata, lö irugi zomasi dödö-U | ||
| 6. Ya’e zumange fasömbata, ma’aohasi gölö Zo’aya | ||
| L | : | Da tafasao wasömbatada andre föna Lowalangi. Musindro ita fefu... |
| (Ira sangai ame'ela mangandrö ba mufa'ema game'ela khö Pendeta) Mudadao zato... | ||
| L | : | Da tafa’anö dödöda wamondrongo taroma Li Lowalangi, manunö ita moroi ba Mbuku Zinunö numero: 163. UHONOGÖ SIBAI DÖDÖGU |
| P | : | Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba gera’era niha fefu, ba khö Keriso Yesu. Mangandrö ita... |
| P | : | Fombaso Taroma li moroi ba zura Roma 16 : 25-27: |
| 25. Ba khõnia, sangila manga’aro’õ tõdõmi ba duria somuso dõdõ andrõ, khõgu, ba ba duria Yesu Keriso andrõ, fama’ele’õ zi no tobini andrõ, si lõ mu’ombakha’õ, gõtõgõtõ wa’ara mege, (Tes. II. 3, 3. Kol. 1, 26. Fet. I. 1, 20),
26. nifa’ele’õ iada’e, nifarongogõ ba niha baero fefu, moroi ba zura wama’ele’õ andrõ, me no i’oroi’õ Lowalangi si lõ aetu, ba wolo’õ andrõ, ba wamati, (Efes. 3, 4. 5), 27. khõ Lowalangi satuatua andrõ, ha ya’ia, moroi khõ Yesu Keriso, ya khõnia zumange, irugi zi lõ aetu! Yaduhu. (F. 11, 36. Tim. I. 1, 17). | ||
| [Famotokhi Taroma li] | ||
| Sinanõ ba dõdõ moroi ba zura Yesaya 11 : 5 "Fa’atulõ mbõbõ lõwilõwinia ba fa’aduhu mbõbõ talu khõnia." | ||
| [Fangandrö Fondruhö Famotokhi Taroma li] | ||
| J | : | Manunö moroi ba Mbuku Zinunö numero: 154. NO MAFONDRONDRONGO LI-U |
| L | : | Me no tarongo daroma Li Lowalangi, ba da tafaogö lida wamaduhu’ö famatida ya’ita niha Keriso föna Lowalangi. Musindro ita fefu... Endronga lida: |
| Ya’o mamati khö Lowalangi Ama si lö ambö fa’abölö, somböi banua si yaẅa awö danö. | ||
| Ya’o mamati khö Yesu Keriso, So’aya ya’ita, Ono Lowalangi si ha samösa, nitema nina-Nia Maria khö Geheha Ni’amoni’ö, ono nono alawe Ia, no manaögö huku Ia, barö mbawa Fondrio Filato, teforöfa Ia, mate, ba lako’o. No möi Ia ba mbanua niha tou, no maoso Ia moroi ba ngai zimate me no irugi tölu ngaluo. No manahae Ia, möi ba zorugo, dumadao ba gambölö Lowalangi Ama si lö ambö fa’abölö. I’otarai da’ö mangawuli Ia dania ba wanguhuku niha sauri, awö zi no mate. | ||
| Ya’o mamati khö Geheha Ni’amoni’ö, ba ufati ha sambua mbanua ni’amoni’ö, fefu niha Keriso, fa’awösa niha ni’amoni’ö, ba fangefa horö, ba femaoso mboto zimate, ba fa’auri silöaetu. Yaduhu. | ||
| Mudadao zato... | ||
| L | : | Manunö ita moroi ba Mbuku Zinunö numero: 162. TO'ELE KHÖDA WANGORIFI (C = do) <<< Klik untuk mendengarkan lagu >>> |
| P | : | Musindro ita fefu... Mangandrö ita |
| [Fangandrö salahi... Tetohugö: Ba döi Zo’aya ya’aga Yesu Keriso, si no mamahaö ya’aga ba wangandrö mamane:] | ||
| He Ama khöma si so ba zorugo, ya te’amoni’ö döi-U. Ya tobali banua-U fefu niha, ya itörö zomasi Ndra’ugö, hulö ba zorugo, ya si manö göi ba gulidanö. Öma sirugi ma’ökhö be’e khöma ma’ökhö andre. Ba efa’ö khöma horöma, si mane fangefa’öma sala ba zi so sala khöma. Böi ohe ndra’aga ba wanandraigö, efa’öga ba zi lõ sõkhi. Me ya’ugõ zamatõrõ banua-U, ba sokhõ fa’abõlõ, awö lakhömi, irugi zi lö aetu. Yaduhu! | ||
| P | : | Mi’angawuli sifao fa’ohahau dödö, yatobali ami sura Keriso, samaduhu’ö Ya’ia ba lala wa’aurimi sero ma’ökhö, ba mitema howuhowu Lowalangi: |
| Ya mufahowu’ö ami Lowalangi, Ya murorogö ami; | ||
| Ya mufohaga mbawa-Nia khömi, Ya mu’ebua’ö dödö-Nia khömi; | ||
| Ya mufalemba hörö-Nia khömi, Ya mube’e wa’ohahau dödö khömi fefu. Yaduhu! | ||
| J | : | Manunö moroi ba Mbuku Zinunö numero 45. HE IRAONO HE SATUA (D = do) <<< Klik untuk mendengarkan lagu >>> |
| P | : | Ya'ahowu...!!! |
| J | : | Ya'ahowu...!!! |
*** Ibadah Selesai ***